Imscrúdú seolta ag Gardaí tar éis corp fir a fháil i gcarrchlós Luimnigh
TÁ GARDAÍ ag fiosrú na gcúinsí ar fad a bhain le corp a aimsiú ag carrchlós ilstóir i gcathair Luimnigh.
Cuireadh fios ar na Gardaí agus ar na seirbhísí éigeandála gur thángthas ar chorp fir, ina 40í, i gCarrchlós Ché Steamboat ag 5rn Dé hAoine seo chaite.
Tá an corp fós i láthair. Tá sé á choimeád chun ligean do scrúdú fóiréinseach agus teicniúil ag comhaltaí de Bhiúró Teicniúil an Gharda Síochána.
Déanfar scrúdú iarbháis a chinnfidh cúrsa an imscrúdaithe agus tá Gardaí ar Shráid Anraí ag achomharc ar aon duine a bhféadfadh eolas a bheith acu maidir leis an eachtra seo dul i dteagmháil leo.
“Iarrtar ar éinne a bhí i gcóngar Ché Steamboat, Bóthar an Duga ar maidin idir 4in agus 6in dul i dteagmháil le gardaí a bhí i mbun fiosrúcháin,” a dúirt urlabhraí.
Iarrtar ar aon duine a bhfuil faisnéis acu dul i dteagmháil le stáisiún gardaí Shráid Anraí ar (061) 212 400, Líne Rúnda na nGardaí 1 800 666 111 nó aon stáisiún gardaí.